الدفعة الأولى و الثانية من طلبات شراء Hello~ Korean

Posted: أغسطس 7, 2010 by Karaz in Korea كوريا, Lee Joongi لي جونغي, مقالات عامة
الوسوم:, , , ,

تم إستلام الدفعة الأولى و الثانية في الـ22 من أغسطس ^^

تم تسليم الطرود صباح الأربعاء (25 أغسطس) لمكتب الـ EMS…. لكن مو كلها!!

أنا دوبي رجعت من مكتب البريد..أو بالأصح من مكاتب البريد…. راح احكي لكم اللي صار معي اليوم..

في البداية و أنا ذاهبة لمكتب البريد القريب من منزلي توقفت عند ماكينة صرافة لسحب المبلغ النقدي المستلم منكم الخاص بشحن الطرود و كان تقريبا 450 ريال.المكينة كانت فاضية فذهبت لفرع نسائي للبنك بالجوار وسحبت النقد و بعدها إتجهت مباشرة لمكتب البريد المجاور.و صلت المكتب و لما طلبت شحن الطرود فاجأني موظف البريد يقولي إن شحن الطرد بخدمة الـ EMS داخل محافظة مكة هو 40 ريال و باقي مدن المملكة 70 ريال للطرد الواحد!!!!! طبعت ما صدقته و تناقشت معاه و ذكرت له لكن موظف البريد قلي غير في الهاتف و في الموقع مكتوب غير (قبل شهر ونص)!!! أجابني إن الأسعار تغيرت و الموقع لم يحدث بعد!! طبعت رفضت أصدقه و ذهبت لمكتب البريد الرئيسي في المساعدية… و هناك أكدوا لي الموظفين إن الأ سعار تغيرت ( من 21 ريال لـ 70 ريال!!! ايش الفرق الشاسع هذا!!!!!) و أحتجيت بالموقع لكن إجابتهم بكل بساطة كانت: “الموقع ما تحدّث بعد” طبعاً أنا الدموع كانت تبغى تنزل من عيني 😦 (تذكرت البنات لو بعمل دفعة جاية كيف بيسووا) !! و مو مصدقة اللي بسمعة و Eman كانت معايا في البريد!! لو بشحن كتبتكم كلها على البريد الممتاز راح يكلفني 1290 ريال تقريباً!! و أنا اصلا ما معايا كاش غير 500 ريال سحبتها من البنك و ماكينة الصرافة عند البريد “فوق دا كلو” هاه…..عطلانة! طبعا الأحلى كمان إني غلفت الطرود بنفسي و قيمة الشحن أصلا تشمل التغليف!! المهم شحنت الطرود اللي لخارج جدة فقط بـ 849 ريال (الحمدلله دبرت الكاش -__-“)  بإستثناء طرد واحد للأخت babygirl رفض موظف البريد إستلامه لأنه غير معروف اسم المحافظة في المنطقة المذكور الشحن لها! (اتصل أخوية برقم جوالكم لكن لم ما عاد الإتصال اخوكي إلا بعد ما وصلت البيت) طرود جدة عددها 6 أعتذر لكم إني ما شحنتها لأن التكلفة طلعت أكبر مما أتوقع U_U….

بالنسبة للي بخارج جدة و شحنت طرودهم…راح ارسل لك واحد على إيميله رقم تتبع شحنته.(بعد الإفطار إن شاء الله)

أما للي داخل جدة و ما انشحنت طرودهم قدامكم ثلاث خيارات:

1. إعطائي صندوق بريد اشحن لكم عليه عن الطريق البريد المسجل بدل عن الـ EMS و تكلفته 15 ريال مثل  ما دفعتوا سلفاً

2. أو دفع زيادة حتى اشحن لكم عن طريق الـEMS !!..

3. تجوا تستلموا الطرود مني و أعيد لكم مبلغ الشحن الداخلي معاها.

طبعا اعتذر من الجميع بشدة عن اللي صار. غصب عني و الله ما كنت أدري فجأوني بتغير الأسعار!!! يعني ليش العرب كدا ما يعرفوا الدقة و الإخلاص و الأمانة في الشغل!!

خلاص ما أبغا اعلق أكثر عن اللي صار >_> … بنات جدة أرسلولي خياركم في استلام الطرود.. و الأخت  babygirl ترسلي في أي محافظة في منطقتها.

مافي شحن طرود يومي الخميس و الجمعة. راح أشحن إن شاء الله صباح السبت…

الحين بروح أنام لأني مواصلة…صحوني على الفطور خخخخ

و الحمد لله على كل حال

قائمة الإشخاص الذين إستلموا كتبهم:

خارج جدة:

sora

تغريد

Fatto

mimi-chan
اضغط لمشاهدة الصورة

سحاب الوليد

هدوء

lola

baby girl

Junkia

candy fruit
اضغط لمشاهدة الصورة

llotchi

لونا

miss 3noo

 

داخل جدة:

koruru
اضغط لمشاهدة الصورة

MeshoOo
اضغط لمشاهدة الصورة

lololove

tenshi

jojo

خارج المملكة:

CHOCO

(تم تسليم الطرود للجميع و الحمد لله )

بداية  أعتذر عن التأخير في كتابة الموضوع وعن تأخر الطرد عن الموعد المحدد ^^” حصلت بعض الظروف غيرت كل ما خططت له بدقة! لكن الحمد لله الأمور الآن تسير على ما يرام.

هذا الموضوع فقط لتتبع عملية وصول الطرود و توزيعها لأصحابها. جميع الأسئلة و التعليقات في الموضوع ستكون حول الدفعتين التي طلبتها للكتاب. أي اسئلة عن أمور أخرى و عن دفعات ثانية عودوا إلى موضوع الطلبات الأول و اطروحها. سيتم حذف أي تعليق مخالف.

الدفعة الأول:

عدد الكتب: 10 كتب

اسماء من في الدفعة الأولى:

jojo
هــدوء
miss 3noo
lololove
lola
fatto
MeshoOo

تم شحن الطرد في الـ6 أغسطس

رقم التتبع: EM000002284KR

لتتبع حال الطرد ضعوا رقم التتبع في خانة “تقفي الأثر” في موقع البريد السعودي. و سيظهر لكم وضع الطرد اثناء الشحن و عند وصوله.

تم إستلام الطرد وشحن الكتب لإصحابها

الدفعة الثانية:

عدد الكتب: 12 كتب

اسماء من في الدفعة الثانية:

سكره ملونة
candy fruit
llotchi
تغريد
لونا
baby girl
tenshi
mimi-chan
Junkia
sora
koruru
سحاب الوليد

تم شحن الطرد في الـ 10 من أغسطس.

رقم التتبع: EM000002960KR

تم إستلام الطرد وشحن الكتب لإصحابها

في حاجة هي غبية مني بس راحت عن بالي من البداية أطلبها مع البيانات ^^”

فضلاً كل وحدة ترسل لي الاسم بالكامل لمن حيستقبل الطرد عشان أحطه على الطرد من الخارج. و ياريت يكون اسم المستقبل هو نفس صاحب الجوال اللي حيرد. يعني مو تكتبيلي اسم بنت و رقم الجوال حق اخوك هو اللي حيرد على البريد ^^”!! احتياطاً عشان لا تربكي موظف البريد.  و أتمنى ترفقوا تاني مع الاسم رقم الجوال و عنوان صندوق  للي عنده.

الرسالة ارسلوها بعنوان: “بياناتي للبريد”

هذه صور لطرد تم شحنه لدولة الإمارات. الطرد تم تغليفه كهدية و إرساله مباشرة من كوريا لصندوق بريدها:


Advertisements
تعليقات
  1. hope كتب:

    هاي كروزه مشكوره كثير على الجهدك المبذول الله يجزاك خير ^_^

    ارسلت لك البيانات

    في امان الله ^_^

  2. 강효선 كتب:

    أنيـــــو ^^

    يعطيك الف عافيه كرز ..

    ارسلتلك بياناتي مرتين لان مره نسيت اكتب رقم الجوال .

    وشكرا على شي سويتيه من جد ماقصرتي وبإنتظار وصول الدفعه الثانيه على أحر من الجمر ^^

  3. fatto كتب:

    مشكوره كروزه ماقصرتي
    لا خلا ولا عدم
    ارسلتلك البيانات

  4. Karaz كتب:

    احب انوه ترى موقع البريد السعودي احيانا ما يحدث البيانات سرعة. لما طلبت كتبي أول مرة كان مكتوب ان الطرد ما زال “غادر كوريا” لكني استلمته من موظف البريد.

    العفو جميعاً ♥

  5. miss 3noo كتب:

    please what about me karaza???

    my name in the black color ,, there is a trouble or what..

    please tell me…..

    • Karaz كتب:

      هههههههههه
      لا حبيبتي انت موجودة في الدفعة بس اسمك ما رضي يتلون زي باقي البنات العيب من الووردبريس نفسه احيانا يستهبل….

  6. baby girl كتب:

    ابشري ،، عافاك ربي ^^

  7. mimi-chan كتب:

    مشكوره كنت بسألك انا بدفعتين هاذي ولا اللي بعد رمضان

  8. سحاب الوليد كتب:

    يعطيك العافية

    مشكورة يا قلبي فرحتيني

    جهووودك مشكوووووووووووورة

    في انتظار وصول الدفعة الثانية

  9. lololove كتب:

    الله يسعدك

    بجد في انتظار الكتاب على احر من الجمر

    و باذن الله ما تكون اخر مررره

    منتظرة متجركم الالكتروني

  10. bubbles19 كتب:

    يعطيك ربي ألف عافيـة ..
    بالإنتظار

  11. fatto كتب:

    كروزه في طعتللي بالبريد ولا فهمة
    تم استلام البعيثة من العميل كوريا 2010-08-06 12:51:00

    شلون تم استلامها من العميل

    • Karaz كتب:

      هذا لأن الكتاب أول شي ينشحن داخلي من مدينة إلى المدينة اللي فيها مكتب الموقع Yes24 فهذا كان حال الطرد داخلياً في كوريا. بعدها غادر الطرد المكتب و لما يوصل السعودية راح ينكتب استلامه من الموظف في المكتب و من ثم ممكن يتم تفتيشه او احيانا ما ياخذ وقت التفتيش! و يسلموه للعميل على طول.

  12. MeshoOo كتب:

    كروزه ارسلت لك الاسم ورقم الجوال..

    مع العلم اني طالبه الكتاب عن طريق EMS

    عادي اني ارسلت لك الرقم والاسم ..؟؟

    • Karaz كتب:

      انا اصلا ابغا الرقم و الاسم للي طالبين EMS و حتى اللي طلبين بغيره احتياطاً عشان لو طلع ان البريد مكتوب بشكل مو صحيح الطرد راح يوصل لصحابه عن طريق رقم الجوال المكتوب.

  13. Karaz كتب:

    الطرد الثاني إنشحن اليوم. و ضعت لكم رقم التتبع.
    بالنسبة للطرد الأول اتوقع انه وصل و انهم ان شاء الله يمكن يسلموني هو بكرة ^^

  14. baby girl كتب:

    معاك ياحبوبة ان شاء الله^^

  15. koruru كتب:

    يـعـطـيـك الـف عـافـيـه عـلـي الـمـجـهـوود

    بالإنتظار^^

  16. fatto كتب:

    شكرا كرزه على التوضيح
    طيب قلبو وصلك البينات حقاتي

  17. اوبا جون كي كتب:

    تم حذف التعليق لأن أنا قلت محد يكتب سؤال خارج عن شحن الدفعتين. أي اسئلة أخرى اكتبوها في الموضوع الأول الخاص بالطلبات.

  18. fatto كتب:

    كرزه بغلينا اول ماتوصل الدفعه ال اولى لك

  19. hope كتب:

    سلام كروزه
    انا من الدفعه الثانيه بغيت اسال هو الكتاب يجي معه السي دي ؟
    و كم يوم تستغرق الدفعه الثانيه على بال ما توصل ؟

    كوماوا

    • karaz كتب:

      ايوة كل الكتب يجي معاها سي دي.
      لسا الدفعة الثانية بدري عليها مر عليها يومين بس! هي خدمتهم المفروض تاخذ 3 إلى 5 ايام فقط بالكثير. لكن الحين دخلنا في رمضان فمدري يمكن يتأخروا شوي ^^”

  20. karaz كتب:

    كل عام و إنتم بخير أولاً
    أنا دوبي اتصلت على الـ EMS اتأكد اذا كان الطرد قد وصل و يمكن يكونوا نسيوا يحدثوا الصفحة لأنهم تأخروا في الشحن عن العادة.
    و هم قالوا لي إنه لسا ما وصلهم الطرد! اخذوا مني بيانات و راح يقدموا شكوى للإدارة.

  21. سحاب الوليد كتب:

    يعطيك العافية كراز

    مشكوووووووورة على جهودك

    من افضل لافضل يارب

    ننتظر وصول الدفعات قريب ان شاء الله

  22. mimi-chan كتب:

    طولو واخاف أسافر عمرة وهم لسى ماوصل

  23. MeshoOo كتب:

    غريبه طولت الكتب ….

    كروزه ماردوا عليك الشركه …؟؟؟؟

  24. fatto كتب:

    صباحك ورد

    ماردو عليك حيل تاخرت الكتب

  25. Karaz كتب:

    لا والله إلى الآن!! و مكتب البريد غير دوامه من بداية الإسبوع دا في رمضان من 10 إلى 3 العصر! فاتني اليوم ما يمديني اتصل عليهم!! ان شاء الله بكرة اتصل و استفسر. هو المرة اللي فاتت لمّح موظف البريد ان اذا الطرد كبير ممكن يكون هذا السبب في التأخير. لما حتصل تاني ان شاء الله راح استفسر اكثر. اعتذر لكم بشدة عن التأخير >_<!!!!!. انا عشان كدا كنت ابغا اشحن قبل رمضان بدري عشان لا يصير هذا التأخير -___-"

  26. mimi-chan كتب:

    أوكي راح اعطيك خبر ياكروزة ومشكورة ذي أحلى عيدية

  27. تيفا كتب:

    بليييييييييز ابي كتاااااااااااب بعد انا بس كيف ارسلك بياناتي

    وبستقبلين طلبي بلييييييز ولا لا؟؟

    بليييز لاتطنشييييين ردي علي

  28. llotchi كتب:

    كرووووزه وش صااار على الكتب ؟؟؟!

    (( أسفه أزعجتك كثيييييير ))

    :]

  29. Karaz كتب:

    مبرووووووووووووووووووووك الدفعة الأولى وصلت الحمد لله (ومن اربع ايام) D:
    لكن ما وصلولي هي لبيتي يبغوني اروح مكتبهم يستفسروا مني عنها T_T
    بروح اليوم ان شاء الله و لما حجيبها بصورها لكم.
    اسفة على التأخير.

    الدفعة الثانية لسا ما وصلت ^^”…..

  30. 강효선 كتب:

    مشالله تهانينا للدفعه الأولى وعقبال عندنا يارب … كروزه الله يعطيك العافيه يارب

  31. fatto كتب:

    جددددددددددد وناااااااااااسه قلولوللولييييش
    مشكووووره عقبال مايصير بين يديني

  32. MeshoOo كتب:

    الحمدلله ع السلامه 🙂

    كروزه متى بتبدئين توزيعها باذن الله ..؟؟

  33. baby girl كتب:

    تمام والله // مبروك للدفعة الاولى ^^ // العقبال لنا =)

    عافاك ربي كروزه^^

  34. Karaz كتب:

    إتصل علي موظف البريد و قلي بيسلموني الطرد يوم السبت إن شاء الله. لأن الخميس و الجمعة عندهم إجازة. إن شاء الله بغلف الطرود و اجهزها في نفس اليوم. لكن بوديها المكتب اليوم الثاني بإذن الله.

  35. llotchi كتب:

    حلووو ,, لكــن كروووزه ماتدرين متى الدفعه الثانيه !

    لأنها بصرااحه طولت ..

  36. lololove كتب:

    مبروك علينا وصول الدفعة الاولى

    كروز ممكن اعرف متى توصلني الكتب اتمنى تكون قبل يوم الاربعاء 15 رمضان

    عشان راح اكون في مكة ان شاء الله يوم الاربعاء

    الله يعطيك الف عافية بجد تعبناكي معانا

    • Karaz كتب:

      ما اظمن لك هذا لأن في رمضان صاير شغل البريد بطيء بسبب الضغط و قلة ساعات العمل. إذا حابة ممكن اشحنو لك لما ترجعي من مكة؟

  37. Karaz كتب:

    الدفعة الثانية وصلت الحمد لله ^^

  38. hope كتب:

    الحمد لله الدفعه الاولى والثانيه وصلوا بسلاااام ^^ بقى نتظرها تصل لباب البيت الله يوفق ويسعدك يا كروزه بجد مشكوووووووره كثير

  39. baby girl كتب:

    الحمد لله انها وصلت ^^ شكراً طيوبة ^^

  40. lololove كتب:

    خلاص ياكروز

    اشحنيها راح انتظرها راح اكثير بقي القليل

    اشكرك من قلبي على المجهود الكبير الي بذلتيه عشاننا

    كمساهميدا

    عقبال ما اكتبلك بالكوري

    ههههه

  41. llotchi كتب:

    الحمدلله إنها وصلت .. بس باااقي توووصل للبيت 🙂

  42. JOJO كتب:

    مرحبا كرزة 
    مو مصدقة انو الدفعة وصلت. ومن جد شكرًا لك على مجهودك وتعبك معانا. أنا فخورة بالناس اللي تساعد غيرها بدون مقابل وانت أكيد وحدة منهم. الله يسعدك انت وكل اللي في المدونة. ومافي غير اننا ندعيلكم والله يجزيكم خير الجزاء.  

  43. سحاب الوليد كتب:

    الف الف مبرووووووك راح الكثير وبقى القليل

    عقبال ماتكون في ايادينا

    كمساهميدااااا كراز ماتقصرين

  44. koruru كتب:

    شكرًا على مجهود وتعبكي معانا^^ طيب دحين متي حترسليها لاني مو مصدقة انو الدفعة وصلت وتم استلامها!!!
    ..^-^..

  45. NORA SALEH كتب:

    ماااااااااشاااااااء اللــــــــــــــــــــــه

    يآآآآآآآرب يسعدك والله مره انبسطت وانا مو مع الدفعتيييين

    يله ان شاءالله اصير مع الدفعه الثالثه ياااااااااااااارب

    مبرووووك للدفعتييين وعؤبااالنا

    متى تبدئين استلام الطلبات للدفعه الثالثه ؟؟؟

  46. MeshoOo كتب:

    كروزه متى بتحطين الكتب في البريد…؟؟

  47. tenshi كتب:

    بابا دوبو راح مكتب البريد وقال مافي الكتاب وجالس يهزأني

    انا من الدفعه الثانيه الله يسعدك شوفي

    • Karaz كتب:

      أكيد يهزأك لأن أنا ما قلت إني شحنت الكتب لكم؟!!!!!!!! -______-”
      قاعدة أغلفها و اطبع بياناتكم عشان الصقها على الظرف من الخارج….
      لما حسلمها لمكتب البريد راح اكتب لكم في الموضوع و ارسل على ايميلاتكم.

    • Karaz كتب:

      كمان انت ما تروحي البريد من نفسك انتظري اتصال منهم بالأول.

  48. NORA SALEH كتب:

    صَبرٌ جميـل يآبنآت =) حآسه بحمآسكم والله (L)

    اللي خلآكم تنتظرون هالفتره اللي رآحت مآيضر لو تنتظروآ يوم ثآني

    ,

    كرزه أرسلت لك رسآله ايميل استفسر فيها عن البنك

    شوفيها الله يعافيك ضروري

    عنوانها ( السلام عليكم كرزه =) )

    (W)

  49. fatto كتب:

    مساء الخيرات كرزه قلبو خبرينا اول ماتحطي الكتب
    ننتبه اكثر للجوال قلبو ونطمن ان الحبيب باالطريق 🙂

  50. hope كتب:

    راح الكثير وبقى القليل الحمد لله

    الله يسعدك ويوفقك يا كروزه ^^

  51. Karaz كتب:

    احتمال اشحنها يوم الأربعاء ^^”
    الثلاثاء إن شاء الله بطلع مكة من الصباح ^^”…..
    بإذن الله الإربعاء بشحنها لكم >_< أسفة والله T_T

  52. asoolh كتب:

    ياعمري >< لي جونكي
    ياويل قلبي خمسين غرزه
    كرزه خيتو <<
    مشكووووره ق1ق1 مع انو الخبريه تحزن 😦

  53. bayan كتب:

    واااااو وناااسه .. من جد كروزه ربي يعطيك العافية .. في ميزان حسناتك ان شاء الله ^^ متحمسه للكتب جدا !

  54. فروته كتب:

    انا دوبني اقرا الموضوع مره ونااااصه انه يمديكم تجيبوا كتاب هلو كوريا بجد مررررررررره فللللله

    بس بكم سعر الكتاب لاني كمان ابغا

  55. hope كتب:

    يا كروزه تروحي وترجعي بالسلامه يا ربة ^_^

    و ماله داعي تتاسفي انت تعبتي معنا كثير من حقك ترتاحي شوي ^_^

  56. hope كتب:

    اقصد يا رب استغفر الله العظيم

  57. sora كتب:

    الله يسهل عليك امورك… جد ريحتينا …

  58. memo0os كتب:

    حبيبتي انا من الامارات وابا اخذ من عندك بس كيف مب فاهمة؟؟؟

    و بكم الكتاب ؟؟

    • Karaz كتب:

      هذا الموضوع مخصص لمتابعة الدفعات اللي انطلبت…
      ارجعي للموضوع الأصلي لجمع الطلبات و بعدها راسليني على الإيميل….

  59. bubbles19 كتب:

    ولوو .. الذنب موب ذنبك .. ويعطيك ربي ألف عافية … ما قصرتي وربي ..

  60. mimi-chan كتب:

    يعطيك العافية وماقصرتي ورايتك بيضاء والعتب على دوائرنا الحكومية اللي ماعندها دقة ولا اهتمام
    انتي بصدق فنانة واللة يوفقك ويرزقك باللي تتمني *.^

    • Karaz كتب:

      تخيلي…الشحن عن طريق الـ EMS من كوريا للسعودية الكيلو الأول بـ 53 ريال -من بلد لبلد آخر-
      و الشحن الداخلي صار في السعودية عن طريق الـ EMS الكيلو الأول بـ 70 ريال!!! -من مدينة لمدينة- بالله هذا منطقي؟؟؟!!!!!
      يعني تكلفة الشحن للشي ذاته من كوريا للسعودية ارخص من السعودية لكوريا!!!! جشع, لأن عليهم إقبال رفعوا اسعارهم!…..

      آآآآمين, و الله يعافيك ♥
      إن شاء اله تستفيدي منه ♥ ♥

  61. llotchi كتب:

    ااااااااااه يا كروووزه و هذا اللي رافع ضغطي في العرب .. غير مهتمين ..

    ما أقول إلا الله يسعدك يا كرووووزه و يحقق اللي تتمنيه ..

    و إن تكلمناا كوري فـ الفضل لله ثم لكْ .. لآنك ساعدتينا .. 🙂

    تشوووووومل كوماوا 🙂

  62. tenshi كتب:

    الله يعطيك العافيه اختي
    والله انهم مايستحو مايرفعوا الاسعار الا ذحين 😦

    انا طلبت بالبريد ترا والله ما ادري ايش اسوي
    اذا قلت بادفع 70 ريال بابا بيخاصم لانه مايثق في احد معليش ^^
    لكن باحاول اروحلك عالبيت ^^
    انتي وين بيتك في الشمال ؟؟

    • Karaz كتب:

      انا بترك الطرود عند قريب لي يشتغل في أحد مكاتب الشركات في مول
      انتوا تروحوا المول هذا و تدقوا عليه و بيخرج من المكتب يسلمكم طردكم…

  63. tenshi كتب:

    ايش هو المول

    يااارب عزيز ^^

    • Karaz كتب:

      ههههه, لا للأسف مو عزيز مول
      قريبي يشتغل في شركة في الصيرفي مول ^^ مو بعيد صح؟ و بعدين أروق من عزيز لأن هناك زحمة بشر و مواقف سيارات!!!

  64. baby girl كتب:

    عافاك ربي ،، ان شاء الله خير والله انك ماقصرتِ الله يجعله في موازين حسناتك^^

    الحمدلله ،، أبشري أختي ان شاء الله ،،

  65. 강효선 كتب:

    مشكروه ياعسل تستاهلي كل خير من جد تعبتي الله يوفقك ويسعدك دنيا وآخره يارب ..

  66. MeshoOo كتب:

    طيب كروزه ..

    يعني الان احولك 55 ريال مع 15 اللي حولتها اول

    يصير المبلغ 70 … صح..ويصير الشحن عن طريق الـEMS

    صح الحسبه الان او لا.. عشان احولك المبلغ..

    واذا حولت لك .. تبيغين بياناتي من جديد والا خلاص الاولى عندك..؟؟

    انتظر منك الرد…

    • Karaz كتب:

      إنت في جدة صح؟! الشحن بـ 40 ريال لداخل منطقة مكة المكرمة يعني محتاجة تحولي 25 ريال فقط…
      لكن بإمكانك تستلميها باليد و توفري الأربعين ريال كلها….

      أنتظر جوابك

  67. tenshi كتب:

    اللي بخدمة البريد كم يحولولك ؟ ^^

    • Karaz كتب:

      جدة خدمة الـ EMS الشحن بأربعين ريال..يعني فاضلك 25 ريال تحوليها…
      أو عندك خيار إنك تستلمي باليد….

      أنتظر جوابك…

  68. Karaz كتب:

    نقاط مهمة أبغا اذكرها لكم:

    بخصوص اللي انشحنت لهم طرود أو حتنشحن لهم…
    البريد الممتاز الـ EMS يوصلوا الطرود من عشرة الصباح إلى 3 العصر. فتوقعوا الإتصال منهم خلال هذا الوقت.
    في حال إتصلوا فيكم و قالوا لكم إن لكم طرد في مكتبهم تعالوا استلموه (وانتوا تبغوهم هم اللي يوصلوا) قولوا لهم إنكم بتعطوهم العنوان لأي سبب مثلا انكم طلبت الشحن عليهم لوجود خاصية التوصيل او عدم قدرة على استلام الطرد في نفس مواعيد عملهم… و هكذا لأنهم احيانا يقولوا لي طردك في المكتب الفلاني تعالي نبغا نستفسر و تاخذيه انا اتركهم و بعد يوم أو اثنين القاهم قريب من بيتي يدقوا علي اطلع استلمه!!

    بخصوص الكتاب:
    الكتاب عبارة عن أبواب بها فصول.. في الباب الأول فصل تعلم الحروف الكورية ونطقها و تهجئتها أنا شخصياً ما وجدت الدرس مساعد أو سهل عشان كدا أنصحكم تتعلموا الحروف الكورية من خلال دروس هذا البروفيسور اولاً http://www.youtube.com/watch?v=djB05a4ntQ4&feature=related
    في معلومات الفيديو حتجدوا رابط موقعه….
    غير كدا الكتاب بسيط و سهل و ممتع التعلم فيه. طبعاً هذا رأيي شخصياً مو شرط ينطبق على الجميع..
    دار النشر قالت لي إنهم حيصدروا كتب لمستويات متقدمة لنفس السلسة لكن ما سألتهم إذا جونغي حيكون مشارك فيها أو لا @@.. (إن شاء الله بسألهم لكن ما أظنهم حيبوحوا بأي شي الآن)

    أتمنى عندما يستلم الجميع الكتاب. يكتب عن إنطباعه عنه حتى يستفيد الغير و خصوصاً اللي ينتظروا دورهم في شراءه ^^

  69. MeshoOo كتب:

    كروزه صعب استلمها باليد .. لان السواق مو موجود..

    فاحسنا احولك 25 ريال ..

    راح ارسلك لما احولها بكره ان شاءالله بياناتي عشان ماتحتاسين وتصير منظمه

    اسم صاحب الحساب

    ورقم الجوال .. واسمي طبعا .. لاني صاحبة الجوال عشان لما يتصلون ..

    في اي بيانات ثانيه ..؟؟

    • Karaz كتب:

      بياناتك مسجلتها على الطرد سلفا إلا اذا تبغي تغيري رقم الجوال و الاسم مو مشكلة ارسلي بياناتك الجديدة بعد ما تحولي المبلغ.

  70. MeshoOo كتب:

    لا هي نفسها .. ما ابغى اغير شئ..

    طيب لما احول المبلغ .. ارسلك ع الاميل ان شاءالله …

  71. bubbles19 كتب:

    كروزه بالنسبة لأساسيات اللغة في الكتاب( مع اين ما بعد شفته ) بيكون أفضل لو تعلموها قبل أجسه بيكون أسهل .. سواء الحروف والقراءة أو الأساسيات المهمة ..
    فيه وحده الله يعافيها تعطي دروس أولية ومحادثات وكذا ( والشرح بالعربي بعد ) … أنا استفدت منها كثير .. بجانب كذا الواحد يحاول يطور نفسه من برا .. عشام كذا لغتي نوعا ما تطورت .. إذا حابه أعطيك موقعها خبريني ..

    • Karaz كتب:

      قصدك الأخت Korean Arab? مدونتها رائعة و أذكر إني حملت من عندها كتب انجليزية اتعلم اللغة الكورية ^^
      لكن انا افضل تعلم اللغات بالإنجليزي لأن جميع اللغات تدرس من خلال الإنجليزي من فترات طويلة لكن العربية حديثة فتشوب التدريس بها اخطاء لعدم وجود خبرة للغة العربية في هذا المجال مع ان الحروف العربية أبلغ في التعليم….

      الحروف الكورية و القراءة سهلة في لغتهم ^^

      في موقع اسمه http://www.livemocha.com يقدم دورات للمستويات الأولى في تعلم اللغة الكورية بالانجليزي أو العربي. الموقع مفيد جداً و بإمكانك تتعلمي لغات أخرى ايضاً.

  72. Karaz كتب:

    البنات اللي شحنت طردوهم امس. ما شاء الله اغلبكم طرودكم قد وصلت لمكاتب البريد عندكم ^^

  73. hope كتب:

    ايه وصلت لكن ماجاني ايا اتصال يمكن لانه اجازه عندهم بنتظر الى يوم السبت لو ما دقوا اراجعهم^^

    مشكوره كروزه^^

    • Karaz كتب:

      العفو ♥
      إنتظري منهم إتصال السبت.
      و بليز انتبهي لإتصالهم لأني ما ابغا موظف البريد يرجع يتصل علي إنو محد بيرد….

  74. 강효선 كتب:

    مرحبا …

    واخيرا الكتاب بين يديني مو مصدقة هو الصراحة وصل الظهر بس انا كنت مشغولة بالفطور وماخبرتكم .. انا اخذت نظرة سريعة عالكتاب مبدئيا اشوفه حلو لكن اذا بديت اطبق راح اعلمكم .

    طبعا الشكر الاول والاخير لــ كروزة الف شكر ياعسل ويعطيك الف عافية .

  75. bubbles19 كتب:

    أييييه .. بس يكفي القواميس اللي تنزلها كلها انجليزي ومره مفيدة .. وحتى آخر مقاطع صوت نزلتها هي بالانجليزية بس مفيدة بعد ….
    الكتب مفروض تكون وصلت ؟ صح يمكن اجازة .. ننتظر لين السبت ونشوف .. كروزه يعطيك العافية ..

  76. bubbles19 كتب:

    سؤال ثاني .. كروزه انتي أرسلتي الايميلات اللي تقولين ؟ لأنه ما وصلني شيء ، هل أكون في دفعة ثانية ؟

    • Karaz كتب:

      مين إنت؟ اسمك المستعار ايش هو؟ بتكتبي في المدونة بإسم غير موجود من بنات الدفعتين الأولى كيف احزر مين إنت؟

  77. سحاب الوليد كتب:

    كمساااااااهميدا كراز مشكوووووورة على اعمالك الكبيرة

    وصل بس زي ماقالوا البنات ننتظر يوم السبت ان شاء الله

    من جد تشكري الف مرة على مجهودك تعبناك معاناكثير

  78. Karaz كتب:

    بنات….موظف البريد اتصل من ساعات يقولي انو في ثلاث من اللي ارسلت لهم الطرود ما يردوا على اتصالاتهم….
    يعني عن جد حرام عليكم انا بتقفى اثر طردوكم حتى بعد ما شحنتها لكم و قلت لكم انها وصلت بدل عنكم و اعطيتكم مواعيد اتصال البريد…فوق دا ما تردوا على اتصالاتهم و تخلوهم يرجعوا يتصلوا علي ولا يتفلسفوا حتى! كويس ما دق و انا صايمة لأني كنت حفطر عليه!!! يعني بالله ايش تبغوني اسوي لكم أكثر من كدا!!!

    انا براسل الثلاث بنات انبهم يردوا على اتصالهم. لكن الكلام هذا للكل. أنا ماني مسؤولة عن عدم ردكم لإتصالات البريد و إهماللكم لطرودكم…

  79. tenshi كتب:

    خلاص باحاولك ان شالله ^^

  80. tenshi كتب:

    لا لا خلاص اسفه ^^

    حطيه اليوم في الصيرفي واخويا بيروح ياخذه ^^

  81. bubbles19 كتب:

    أنا هدوء .. ووصلني ردك ع إلايميل ^^

  82. MeshoOo كتب:

    كروزه حولت لك 25 ريال اليوم ..

    ان شاءالله تكون وصلت لك..

  83. MeshoOo كتب:

    كروزه ارسلت لك اميل

    انتظر منك الرد

  84. bubbles19 كتب:

    لا عادي ^^ بس لأني إذا سجلت دخول يتغير اسمي حسب الحسابات

  85. lololove كتب:

    ارسلت على ايميلك بخصوص طريقة استلامي للكتاب

  86. تغريد كتب:

    كروز معلش انا كنت ايام ما اتابع الموضوع وامس بالذات كان عندي ظروف صحيه وكنت بالمستشفى واتوقع انو جوالي كان مقفل الى اليوم الصبح اسفه والله اسفه ومستحيه منك بعد الي سويته لنا =(
    بس حبيت اسال هما راح يتصلو مره ثانيه يعني او ايش مفروض اعمل؟؟

    • Karaz كتب:

      سلامات, أختي…
      إن شاء الله إنت بخير الآن؟

      المفروض انهم حيتصلوا عليك السبت. بس انا اشوف الافضل انك انت تتصلي على الرقم اللي اتصلوا عليك منه و تختصري على نفسك بدل ما تقعدي تنتظري طالما انهم اتصلوا معناته ان الطرد جاهز عندهم ويبغوه يسلموه لصحابه في اقرب وقت فتصلي وقوليلهم ان في طرد مرسل لك من جدة باسمي لكِ (اسم المرُسل و المرسل إليه) و يمكن يطلبوا على الهاتف رقم التتبع يتأكدوا بعدها توصيفلهم عنوانك و حيتصلوا عليك تاني من جوال نفس اليوم او اللي بعده لما يكونوا قريب البيت بيوصلوا الطرد… إذا انت تعبانة خلي اختك تتصل عليهم على اساس انها إنت… والموضوع حيكون بسيط ترى…

      و سلامات مرة تانية ♥ الله يشفيك و يرد لك عافيتك قريب ♥

  87. تغريد كتب:

    الله يخليكي يارب ^^
    المشكله انا ما لقيت اتصال ومابعرف كمان اذا كانو اتصلو او لا لانو مو عارفه اذا كان الوقت الي اتصلو فيه كان الجوال مقفل
    لكن مو مشكله حصبر الى بكرا واشوف وش راح يصير
    ويعطيك العافيه مره ثانيه

    • Karaz كتب:

      خلاص انتظري اليوم اتصال منهم.
      دوام البريد من 10 إلى 3 العصر.
      ولو دقوا و ما رديتي على اتصالهم ارجعي اتصلي عليهم في اوقات دوامهم.

      و سلامات حبيبتي ♥

  88. سحاب الوليد كتب:

    كروزة معليش ما فهمت قصدك كل البنات ردوا على الاتصال الا3 بس

    طيب انا ماجاني اتصال اصلا ياليت توظحي اذا كنت منهم او لا

    وايش ممكن اعمل؟؟؟؟؟؟؟؟؟؟؟؟

    • Karaz كتب:

      انتظري اليوم بيتصلوا إن شاء الله…
      تلقي وصلهم متأخر قبل إجازتهم.
      في بنات طرودهم حتى لسا ما شحنوها. اليوم إن شاء الله يشحنوها من جدة.

  89. tenshi كتب:

    عند مين حتسيبيلي الكتاب ؟؟

  90. baby girl كتب:

    الله يخليك ويسعدك يارب KARAZ من كل قلبي الله يوفقك الله لايضيع تعبك ويجعله في موازين الحسنات يارب ^^

  91. mimi-chan كتب:

    كروزة انا أتصلو علي وراح يوصلوة لي بكرا وراح أعطيك خبر على طوووووووووووول

    • Karaz كتب:

      إن شاء الله…
      مبروك الحمد لله في وحدة حتستلم الكتاب D; ….
      ترى ممكن يوصوله حتى بعد الدوام يعني بعد 3 العصر بس قبل المغرب
      انا طرودي في رمضان كلها وصلتني بعد إنتهاء الدوام الموظف جزاه الله خير وصلها ^^

      لا تنسي تكتبي إنطباعك عن الكتاب. عشان يستفيدوا الغير من اللي بيطلبوا في الدفعة الجاية ^^

  92. tenshi كتب:

    لا ما اعطيتيني رقمه …

  93. sora كتب:

    كرزه ابشرك وصلني الكتاب الحين هو بين يديني يااااااااااااااسلام وش ذا انا مو مصدقه لحد الان ياربي متى اصدق …..

    وان شاء الله راح اكتب انطباعي عن الكتاب انتظروني …..

  94. hope كتب:

    عقبالي يا رب محد دق علي الى الان

    • Karaz كتب:

      هو الكتاب وصل مكتب البريد في منطقتك؟
      انا ماني عارفة انت مين من البنات عشان اتبع طردك لان بعضكم بيكتبوا باسماء مستعارة في المدونة غير اللي في الدفعتين…
      اذا وصل مدينتك في التتبع اتصلي عليهم و اختصري بدل الانتظار

  95. تغريد كتب:

    انا كمان الحمدلله استلمت الكتاب قبل شوي ومرررررررررررررره مبسوطه
    يعطيك الف عافيه اختي كروزه تعبتي معانا ……..
    ان شاء الله اول ما اقرى الكتاب حكتب راي فيه بالتفصيل باذن الله

    • Karaz كتب:

      الحمد لله…
      الله يعافيك, المهم انه يعجبك و تستفيدي منه..
      راح أنتظر رأيك ^^

      (هما وصلوا الطرد لبيتك ولا انت روحتي استلمتيه؟)

  96. Karaz كتب:

    طرد الأخت CHOCO من الإمارات وصلها الثلاثاء الماضي ^^
    وضعت لكم صور لطردها..شكرا لها ♥

  97. تغريد كتب:

    لا والله كروزه انا اخوي راح استلمها
    في الصبح لما تصل موظف البريد قال لي اليكي طرد هنا تعالي استلميه
    قلت له ليه ماتجيبوه ع البيت قال كلام طويل عريض انو اذا بنجيبه ليكي بالبيت انتظري بكرا ويمكن مايوصل ……..الخ
    قلت له خلاص خلاص انا راح استلمه واختصر يعني مكتب البريد مو بعيد مره من عندنا
    المهم انا مبسوطه لساتني بس اتفرج ع الكتاب مابديت قراءه جديه بس تحمست صراحه 🙂

    • Karaz كتب:

      لا اختي الموظف يتفلسف يبغاك تجي تخديه و يوفروا على انفسهم “>_>…
      هو المفروض يوصلوه و الموظف ما يقدر يشرط عليك تجي تستلميه..
      هما قالوا لي مرتين في رمضان على طرود الكتب و طرد خاص اني اجي استلمه من مكتبهم..ما رديت على كلام الموظف طنشته و تاني يوم و من انفسهم وصلوا لي الطرود لأن يخافوا من الشكوى لو تأخر الطرد ايام عندهم… طرد الكتب اول مرة ما رديت على اتصاله الا بعد نهاية دوامه و انتظرت يومين الاجازة ولما جا السبت اتصلت عليه وكان يوم إجازته لكنه وصلي الطرد مع الموظف المداوم لأنه مسؤوليته انه ما يتاخر التسليم (طبعا جزاه الله خير ^^”) … بس طبعا انا عنواني عندهم لاني مسجلة بالبريد السعودي عشان كدا اي طرد يوصل يتصلوا علي لما يكونوا قريب البيت…

      انا قرأته مثلك لكن لسا ما بدأت ادرسه بجدية. ابغا ابدأ فيه إن شاء الله في شوال..رمضان ضيق الوقت فيه…
      اهم شي سمعتي صوت جونغي؟ خخخخ
      وجع في وحدة كورية تتكلم في السي دي 😦 (اللهم اني صائمة!!) كنت ابغا جونغي بس هو اللي يعلمني في السي دي خخخخخخخ لكن بتخيل إني انا الكورية هذي خخخخخ

  98. llotchi كتب:

    الحمدلله وصل الكتااااب .. ( بس هو مو معي ألحين ) ..

    ^^

  99. MeshoOo كتب:

    كروزه هم يوصلونه البيت المفروض..

    عشان ماايتفلسف علي .. وارد عليه…

    خخخخخخ

    • Karaz كتب:

      ايوة المفروض يوصلوه للبيت..
      عادي لو اتفلسف عليك اتفلسفي عليه
      يعني قوليله بالعقل انت في جدة و المرسل في جدة كان ممكن نتقابل و اسلمك الكتاب لكن انت اخترتي تدفعي ريالات زيادة عشان خدمة التوصيل… و لو تفلسف عليك اكثر قوليله انك مو جاية تستلميه و بترفعي شكوى…

  100. koruru كتب:

    اخيراً وصلني الكتاب يعطيك الف عافيه تعبتي معانا وشكراً مره ثانيه
    هذي صوره الكتاب http://twitpic.com/2j8j1d

  101. tenshi كتب:

    انا حلمت انو جاني الكتاب وطلع صغير زي كتيب ومرا زعلت في الحلم لكن قلت عادي مدام انه لي جون كي ^^
    لكن الحمدلله انه حلم
    ان شالله اخذه بكرا ^^

    • Karaz كتب:

      لا لا …الكتاب و الله كبير…طويل
      انا كنت افكر حجمه وسط يعني حجم كتاب عادي
      لكن لما شوفته في الواقع الكتاب طويل
      هذي مجرد اضغاث احلام خخخ

  102. mimi-chan كتب:

    انا وصلني الكتاب صحيت ولقيت واصل لأمي كروزة مشكووووووووووووووووووورة كثير
    وهذة صورة الكتاب http://twitpic.com/2jen8t

    • Karaz كتب:

      ههههه اكيد كنت متفاجأة اتخيل شكلك xD
      شكرا على الصورة بحطها مع اسمك في قائمة الموضوع ^^

      إن شاء الله تستفيدي منه ^^
      شكراً لثقتك فيني ♥

  103. hope كتب:

    كرزه ممكن لو سمحتي رقمهم ادري اني تعبتك معي اسفه والله
    انا صراحه ارتفع ضغطي الى الان ولا اتصال و اخوي مشغول في المستشفى مو فاضي
    انا رحت موقع البريد و راسلتهم بس ما ردواعلي الى الان

  104. سحاب الوليد كتب:

    يعطيك العافية وصل من امس بجد روعة الكتاب

    واهم مافي الموضوع صوت لي جون كي ههههههه

    مشكووووورة تعبتي معانا

    ونااااسة قبل ماكنت احلم انه بيكون معي

    شومال كمسااهميداا كراز

  105. وااااااااو شكلو مرة يهبل انتو كيف اخدتوووه
    يا ري نفسي اخدووو
    تسلمي تسلمي

  106. تغريد كتب:

    لسالفه موظف البريد انا عادي عندي انو اروح اجيبه لكن تعرفي اكثر شي تحسرت عليه انو انتي دفعتي زياده للخدمه وبالنهايه كذا يعاملون الزباين مرره قهر
    انا عندي ليكي اقتراح كروزه مممم شوفي شركات النقل الثانيه ارامكس ,……الخ
    بس فيه شركه وحده تاجره من جده كانت تتعامل معاها اختي تجيب لها تيشيرتات لانو اختي بترسم عليها ( استطراد بس انو رسمتلي شنطه وتي شيرت وكل مايطرا ببالي كوي اخبرها ترسمه لي هههههه لحد ماطفشت مني )
    فكانت بترسل لها على شركه اتوقع اسمها البدر بس تاخذ ريلات على حسب الوزن يعني في بعض الاحيان كانت تشحن من جده الى هنا بسبعه ريال بس!!!
    فانتي شوفي الشركه وان شاء الله مايكون رفعو اسعارهم مثل البريد الخايس

    {{{{{ ابي اكتب انطباعي عن الكتاب بعد قراءه شبهه مطوله !!}}}}

    صرااااحه لساتني فرحانه انو كتاب جد رائع البارح من الساعه 6 الصبح لحد الساعه 10 اتفرج عليه طبعا جيبت اوراق صغيره وكتبت الكلمات الي موجوده بالكتاب وانا عارفتها وعارفه نطقها من قبل وتدربت على كتابتها وكمان حسيت اكثر شي استصعبته الفونتكس الي ( الصوتيات في اللغه الانجليزيه ) الي ببدايه الكتاب مع الحروف طبعا اختي دارسه انجليزي بالكليه وماخذه هذي الماده اربع سنوات الماده مرره صعبه كانت من اصعب المواد عندها
    بس هي حتعلمني كيف النطق وكل شي لانو دارستها اما انا والله مافهمت شي 😦
    كمان عجبني تقسيم الوحدات بالكتاب حسيت بالتنظيم جد رائع وملون حسيت حالي مثل اطفال الروضه تشدني الالوان << ههههه ابو الوصف بس
    اتوقع بعد قراءتي والتدريب راح اكون احطت بالاساسيات ع الاقل لانو اللغه عندهم صعبه شوي اكثر من باقي اللغات لكن ممتعه ولانو شي حابته ماراح امل راح اواصل

    • Karaz كتب:

      شكرا لك على المعلومات… انا فعلا ان شاء الله الدفعة الجاية راح اشحن لهم على شركة اخرى بسعر رخيص… راح ابحث عن الشركة اللي ذكرتيها و اتصل عليهم…

      انا كمان وجدت الفصل الأول الخاص بتهجئة الحروف صعب. لذا لجئت لدروس اليوتيوب تعلمت من خلالها..بس انت ما شاء الله يا حظك اختك بتعلمك ^^

      انا لما شوفت اعلان الكتاب الفيديو قبل لا اشتريه كانت الرسومة شكلها حقييير في الفيديو و قلت يا بنت اشتريه عشان خاطر جونغي بس خخخخ لكن لما شوفته في الواقع طلعت الرسوم مرررة كيوت خخخخ احلى شي شوفي كيف راسمين جونغي xD !!!!! و كمان حبيت نوع الورق المستخدم في الكتاب… و انا احب اشتري الكتب الملونة اوراقها من الداخل لانها تشجعك تخلصي قرأة الكتب بسرعة و بدوم ملل….

      إن شاء الله اتمنى حميعنا نتعلم لغتهم عشان نعرف الشعب الكوري بحضارتنا و ديننا مو بس هما اللي يصبو ثقافتهم عندنا…

  107. MeshoOo كتب:

    صباح الخير..

    انا جاني الكتاب امس طبعا بعد ما قروشوا راسي مكتب البريد

    يعني يمكن اتضايق واروح اجيب الكتاب من مكتبهم .. بس هيه ع مين..

    المهم جابوا الكتاب (وجه يرفع حواجبه علامة نصر)..

    طبعا اول شئ .. مرررررررررررررررره شكرا كروزه تعبناك معانا.. الله يعطيك العافيه

    هذي صورة الكتاب.. سوري ع ردائة التصوير بس كان فيني نوم وصورت يالله يالله …

    انطباعي الاولي عن الكتاب ..

    مره عجبتني الرسومات و خامة الكتاب …

    بس مدري احس انه ممكن يفرط بسهوله .. هذا بس الشئ اللي مخوفني .. ان شاءالله لا ..

    السي دي سمعة ملف واحد ع الماشي وماركزت لاني كنت مستعجله

    بس سؤالي … السي دي فيه 15 ملف صوتي ..صح..؟؟

    ع عدد التشابترات …؟؟

    لاني مابعد جلست اقرا فيه بتمعن .. فما اقدر اعطي انطباع عن اسلوب الكتاب..

    بس كانطباع اولي .. لو شفت الكتاب بمكتبه هنا .. وحتى لو جونكي مو موجود فيه

    راح اجيبه … لان طريقة العرض شكلها شيقة …

    وبعدين احس سعره فيه … يعني كخامة وطباعه وماده علميه ,,, جميل..

    • Karaz كتب:

      هما قالوا لك تعالي استلميه من المكتب و رفضتي عشان كدا وصلوه؟
      مدري ايش فيهم صاير شغلهم في رمضان بطيء و يتفلسفوا!! يمكن عشان الصيام؟ مافي سجارة تروقهم في النهار! -__-”
      ما علينا منهم… المهم الكتاب وصلك الحمد لله! ^^

      ليش تظني ان الكتاب ممكن ينفرط!!؟ بالعكس النسخة اللي عندي ما شاء الله ممتازة و متماسكة بقوة يعني احتمال بعيد انه ينفرط!! يمكن يوجد عيب في نسختك!!!؟
      صوري عن قرب الاماكن اللي تدل على انه ممكن ينفرط!!
      لو كنت ادري ان نسختك فيها عيب ما كان ارسلتها لك!! لكن الكتاب مغلف و ما أقدر افتحه… اذا مفروط خفيف في اماكن صوريها و ارسليلي الصور على الايميل ضروري…

      ايوة السي دي موجود فيه 15 مقطع…
      لكن اعتقد عدد الشابترات 8….

      دار النشر راح تطبع مستويات متقدمة… ما اعرف اذا حيكون فيها فنان مشارك او لا… لكن إن شاء الله بقولكم اذا طبعوا مستويات متقدمة…

      العفو حبيبتي ♥
      شكراً لثقتك, و أسفة اني ما و فرت لك بالسعر اللي كنت اتمنى…

  108. baby girl كتب:

    karaz أبشرك وصل الكتاب بمكتب البريد لكن لسه ماوصل ليديني المهم انه وصل =)

    البريد دقوا على أخوي وقالوا له تعال خذوه من عندنا الله من العجز وربي الله <- اللهم اني صايمة !

    المهم انه أول مايوصل صورة باذن الله وشكر خاص لكِ ياطيوبة ^^

    • Karaz كتب:

      و ليش رضيتوا؟ كان قولتوا للموظف انكم طالبين شحن على البريد الممتاز عشان خدمة التوصيل و لا كان بإمكانكم تشحنوا على اي شركة تانية ارخص!!!

      العفو حبيبتي, اكديلي لما تستلميه 3>

  109. سكره ملونة كتب:

    ممكن تردي على رسالتي

    ضروري ^^”

  110. lololove كتب:

    شكرًا استلمت الكتاب اليوم صراحة مررره روعة ان شات الله راح ابدا بعد رمضان. كمساهميدا

  111. tenshi كتب:

    استلمت الكتاب الحمدلله
    لكن مامعاه تغليف 😦 كان نفسي اشوفه

    الله يعطيييك العافيه كروزه ^^

    • Karaz كتب:

      !!!!!!!
      كتابك مغلفته بتغليف الحماية “الفقاقيع” (مدري ايش اسمها) و محطوط داخل ظرف بالعنوان!!
      الا اذا كان اللي جا استلمه من قريبي فك التغليف وبعدين سلمه لك……….
      انا متاكد انه تسلم لك مغلف و داخله مبلغ الشحن… لان قريبي اتصل علي يسالني اي واحد هو ظرفك و اذا يدفع لك مبلغ الشحن او لا… لكن انا كنت مجهزه كل شي داخل الظرف و مكتوب اسمك عليه…

  112. tenshi كتب:

    ان شالله اذا عرفت انزل الصور عالتويتر انزلكم ^^

  113. tenshi كتب:

    إلا مغلف تغليف فقاقيع ^^

    احسب التغليف زي حق اللي انرسل للامارات ^^

    • Karaz كتب:

      لا لا هههههه
      ما ينفع اطلب 10 كتب كل كتاب مغلف بالطريقة دي!! الموقع ما يقبل ^^ كمان تخيلي قد ايش حيكون حجم الطرد لو كل كتاب حيكون صناديق زي كدا!! xD
      هذا التغليف استخدمه لما اشحن لغير السعودية عشان التغليف يدل على ان الكتاب هدية و بكدا الجمارك في البلدان التانية اللي فيها نظام ضرايب ما تاخذ من صاحب الكتاب اي ضريبة لانه مرسل هدية…. و انا اطلب من مستقبل الكتاب يدفع ريالات زايدة للتغليف….

  114. baby girl كتب:

    وصل ياطيوبة ،، رديت لك بالايميل ^^

  115. لومي كتب:

    يعني خلاص اقدر ارسل لك بياناتي عشان
    تسجلين اسمي في الدفعه الثالثه

    واديني الإشاره الخضرا …. عشان ابدأ المضاربه مع الأهل

    • Karaz كتب:

      ههههههه
      لا و الله ان شاء الله بحاول الاسبوع دا
      الطلبات لو حتى برمضان راح يستمر التقديم الين تفتج البنوك بعد اجازة العيد عشان يقدروا البنات اللي في البنوك التانية يودعوا… يعني كتبكم حتوصلكم إن شاء الله في شوال لكن بعد ما تبدا المدارس, على حسب كيف بتكون سرعة الشحن دي المرة يمكن اسرع!!…

  116. baby girl كتب:

    العفو طيوبة ،، كثر الله من امثالك وعسى الله يقويك ان شاء الله بالجاي =)

  117. mimi-chan كتب:

    كروزة الحروف صعبة شوي ابي موقع يعلم الحروف بطريقة سهلة قمت اضيع من الكونسننت والفاول

  118. shooly كتب:

    يعطيك العافيه على تعبك ^^
    بس سؤال متى تبدا الدفعه الثالثه علشان اقدر ارسل طلبي لك ؟؟

    • Karaz كتب:

      البنوك حتقفل بعد الأثنين.
      فا ما حينفع استقبل طلبات الآن…
      نخليها بعد ما تخلص إجازة العيد للبنوك و إن شاء الله حينها بأستقبال الطلبات….

  119. junkia كتب:

    مرحبا كرزة .. أبشرك وصل الكتاب عندي بعد معاناة مابقى أحد ماتدخل في الموضوع
    قال ايش قال بريد ممتاز سحقاً لازم العالم كلها تدري إني شاريه كتاب
    ياااه ماوصلني الكتاب إلآ أمس أول ماوصلني ضميته مو مصدقة لأني بغيت أفقد الأمل فيهم
    وهي صورته الجميل

    مشكوره مره ثانية كرزه والله يعطيك العافية .. وكل عام وإنتي بخير يارب

    • Karaz كتب:

      اهلا جونكية… والله مرة وحشتيني >_<
      ان شاء الله من العيد بكون ادخل المسنجر نشتشت
      عمى! ايش سوو فيك دول!! والله كانوا مرة حلوين معايا قبل رمضان!!! مدري ايش صاير فيهم!! يمكن عشان الضغط و الصيام صايرين كدا….

      الحمد لله انك استلمتيه…
      ان شاء الله الاجزاء التانية من الكتاب توصلك في وضع افضل ♥

      شكرا على الصورة, لكن مو راضية تفتح معي! الصفحة بيضا. لكن طالما من جونكية الصفحة شكلها حلو برضو خخخخ ♥

      • junkia كتب:

        وإنتي وحشتيني كمان
        والله المسن انا ياخوفي أكون نسيت الباس تبعي مادخلتو في رمضان إلا مرتين يمكن أحس لو بدخلو بيكب علي تراب
        والبريد تخيلي في البدايه مطنشيني ماكلموني لما كلمتهم قالولي طردك فيه مشكله O.O يا العنوان غلط يا مارديتي على إتصالنا قلت العنوان كلوا جوال اصلن والجوال يحفظ المتصلين حتى لو كان مقفل لآ تستعبطوا علي
        قالي روحي مدري فين مكان غريب طردك موجود فيه مدري حسيتوا مكان مثل الطرود اللي ضايعه يودوها فيها .. بغيت أبكي بعدين أفتكرت أنو قريب أمي يشتغل بالبريد قلت لأمي كلميه اللحين يشوف لي الموضوع لما كلمته قال أنا في مكه انتظريني لحد ماأرجع
        لما رجع راح لمهم قالوله مافي حاجه بالأسم تبعي !!! كلمنا قال متأكدين انو وصل الطرد لبريد الرياض 😦 قلت إذا موقعهم يقول وصل ايش يبغوا أكثر من هيك
        راح لمركز ثاني مدري يمكن الرئيسي وبعد ماوقع على أوراق ومسؤلية وأخذوا صور من هويتوا طلعوله الطرد
        كرزة للحظة حسيت الطرد فيه ممنوعات مو كأنه كتاب تعليمي 😦 … أممم تتوقعي جونكي شخصية عليها قضايا سياسيه وهو الآن مو في العسكرية هو هربان من كوريا في مكان محد يعرفوا .. تحري عنه أذكرك تتحولين أحيانا لكونان << ظرائب قلة النوم
        وبس يعني الفضل يعود لربنا ثم لقريب أمي هو اللي قدر يطلع الكتاب 😦
        والصورة العبيطة مدري ليه تحب تفشلني هي بعد التعديل

  120. hope كتب:

    السلام عليكم
    الحمد لله وصل الكتاب وهذي صورته

    رزيت صورت سوبر جونير معاه ههههه

    امس وصلني مو مصدقه O_O قعدت افر فيه و بصراحه كلمة روعه قليله من صور و الوان وترتيب رهيب مره
    بس اغلب دورسه مرت عليا اتمنى ينزلوا اصدار ثاني

    كرزه مشكوره كثير الله يسعدك^_^
    candy fruit

  121. wr.wr كتب:

    هاي كروزه
    ممكن سؤال؟
    حبيت استفسر عن شركه النقل EMS
    كيف اسعارهم وانا ابي اطلب ملابس وشنط من موقع كوري يقدرون يوصلونه لي ؟
    لان الموقع الشركه الي مشتركه معه التوصيل حقها غالي بس حبيت اعرف
    شكرا

    • Karaz كتب:

      اغلب المواقع الكورية تستخدم الـEMS في الشحن سواء داخلياً او خارجياً.. ما عمري شوفت موقع كوري يشحن من دونهم!! لكن ممكن يضعوا خيارات شحن اخرى بجانبه اسرع و اغلى زي UPS او DHL و هذي يوصلك الغرض خلال 24 ساعة في يدك من كوريا…. (حسب كلامهم)
      لكن وجود شركات الشحن دي موضوعة في المواقع الكورية لا يعني أن المواقع قد تشحن للخارج. فأغلب المواقع لا تفعل.

  122. سحاب الوليد كتب:

    اهلين كراز

    ارسلتلك في الايميل رسالة ياليت تردي عليها

    اشكرلك تعاونك

  123. Jayo كتب:

    اول حاجه: مرحبا كرزه ياصاحبه اطلق مدونه تهتم بالاخبار الاسيويه (تتوقعين اتميلح؟ خخخخخ) , لا جد واللع انك اطلق وحده

    ثاني حاجه :$
    قريت تدوينتك يوم انك تحوسين في الموقع الكوري عشان تشترين الكتاب , وسالفه انهم انهبلوا منك كيف سويتيها خخخخخخ

    ثالث حاجه .. احسبيني من الدفعه الثالثه

    —–
    احلى شيء ان الواحد يتعلم واللي يعلمه واحد يفتح النفس , ولا وكوري بعد .. والشيء القاتل انه لي جون كي ><

  124. YOONA كتب:

    هااي كيف الحال حابه اسأل

    الدفعة الثالثة متى تكون ؟

  125. K A R I A كتب:

    كرزا .. أممم أرسلت لك الرساله تكفين شيكي عليها وردي علي

  126. E.L.F كتب:

    Karaz….~
    ماشاء الله تبارك الله ..
    والله مسؤولية كبيرة وانت قدها..
    ان شاء الله يكون اسمي مع اسماء المستلمين
    أحاول أقرأ المعلومات بشكل أفضل وأجمع المعلومات..
    وأطلب باذن الله..
    يعطيكي العافية يارب…

  127. nihanpop كتب:

    شكرااا على مجهودك الررررررررررررائع

  128. […] راح أشحن للشخص مباشرة من كوريا لصندوق بريده في بلده بدون رسوم شحن داخلي لكن بتدفع 5 ريال حقت التغليف لأني بختار من الموقع إرسال الطرد لك كهدية . لكن خيكون في فرق في سعر الكتاب حسب البلد المرسل لها. و بإمكانكم مشاهدة الطرد اللي أرسلته للإمارات لأحد البنات في موضوع طلبات الدفعة الأولى و الثانية. […]

  129. Aster كتب:

    السلام عليكم ورحمة الله وبركاته ..

    شكرا على الكتاب وشكله من جد روعه

    طيب أنا للأسف مااعرف أحد يبغى الكتاب وحابة اشتريه ايش اعمل ازا تقدري تساعديني
    وشكرا لك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s